Andre elevar har moglegheit til å delta på AFO, men må ordna transport til Kuventræ på eiga hand. Dersom det er fleire elevar frå same skule, utanom dei nemnde skulane, kan det vere mogeleg for Osbadet å ordna med transport. Ta gjerne kontakt for å diskutera dette nærare.

Det er viktig at elevane går rett til avtalt møteplass etter skuleslutt og møter sjåførane frå Os Taxi. Elevane må sjå etter minibuss frå Os Taxi med "AFO-skilt" i ruta.

Os Barneskule

Elevane møter nedanfor gymsalen ved "avsettingslomma".

Lunde Barneskule

Elevane møter ved rundkøyringa rett framfor skulen.

Halhjem Barneskule

Elevane møter på henteplassen utanfor skulen.

Nore Neset

Elevane møter på parkeringsplassen foran idrettshall/aktivitetshus.

Søfteland

Elevane møter på parkeringsplassen ved vegen framfor skulen.

Lysekloster

Elevane møter på henteplassen utanfor skulen.

Borgafjellet

Elevane møter på henteplassen kor bussen stoppar ved skulen.

Maten er vekselvis enkel brødmat og varmmat anna kvar dag og frukt kvar dag. Om eleven har allergiar, er det viktig at Osbadet får beskjed om dette på førehand.

AFO er open 12:25 - 16:30. Alle elevar må hentast på Osbadet innan klokka 16.30. Dersom du ikkje når fram innan det, er det viktig at personalet får beskjed. AFO følger skuleruta og er stengd ved skulefri.

Oppseiingstida på AFO er to månader, og gjeld frå den første i kvar månad.

Alle påmeldingar er bindande.