Dei har også drift og utleige av Oshallen, som blant anna inkluderer helsestudioet Nautilus i kjellaretasjen. Kiosken og kafeen, som er betjent frå resepsjonen, er sjølvsagt open i heile opningstida til badet. Badetøy, symjebriller og flyteutstyr er for sal i kiosken, medan kafeen byr på varm og kald drikke, hot dog, calzone, cold cat og kalde smårettar og meierivarer.

− Omsetnaden er stabil, men noko lågare enn vi hadde trudd. Derfor held vi våren 2009 på med å auka utvalet i menyen, seier Leif Gunnar Borgen.

Konferanse og bursdagsfeiring

Innanfor galleriet i andre etasje har Osbadet eit konferanserom med plass til rundt 60 personar. Rommet er utstyrt med trådlaust breidband, prosjektor, dvd-spelar, overhead og god ventilasjon. Toalett og eige kjøkken ligg like ved.

− Kuventræ er ein flott stad for konferanse, og møterommet er fleksibelt. Vi har blant anna bursdagsfeiringar for ungar i Osbadet, med både bading i basseng og servering og video i møterommet etterpå, fortel Leif Gunnar.

Allsidig bruk av Oshallen

I januar 2008 overtok Osbadet drifta av Oshallen. Hallen er fullbooka frå måndag morgon til seint fredag kveld, og i helgene er det ofte både handballkampar og andre arrangement. − Oshallen er leigd ut til familieaktivitetar for ungar i barnehagealder, vi har hatt storkonsertar der, og andre arrangement som krev god plass. Hallen har fungert ypparleg og fleire av våre leigetakarar planlegg andre store arrangement i framtida. I april 2008 flytta treningssenteret Actic inn i nyoppussa lokale på 600 kvadratmeter i underetasjen. Actic er ein kjede med fleire senter i nærleik til badeland rundt om i Noreg, og er i Oshallen på plass med både styrkerom, aerobicsal og spinavdeling.